Лем вам сміх у голові. Найсмішніші анекдоти тижня
Маленький Феріко вертат ся думу із катка і мече свої коньки прямо на пол у коридорі.
Через пару мінут виходит до нього з комнати дідо і звідат:
– Феріку, зашто ти туй коньки лишив?
– Дідиду, увержи їх десь на бук і всьо.
– Но добре.
Дідо удвер ногов коньки і іде си дале, а онук кричит:
– Урррааааа!!! У нас тепер машина буде!
– З чого есе ти взяв? – не розумієся старий.
– Нянько вчора мамці казав, што коли дідо коньки удкине, ми машину купиме.
***
Таможник на границі зайшов у поїзд «Мукачево-Будапешт» і звідат уд пасажира, який сам сидит у вагоні:
– Коньяк? Цігаретлики? Наркотики?
Закарпатець ся позерат на нього і думат: «Який сервіс», а таможеникови культурно каже:
«Нє, дякую, не хочу. Ліпше кружку кави, будьте добрі!»
***
До гінеколога на прийом прийшла молода файна закарпатка. Дуже ся мереговала, тому дохтор, аби зняти напруження, начав ї розговорювати.
Потер свої руки у гумових рукавицях і каже:
– Знаєте, як роблять ісі рукавиці? Десь у Китаї стойит величезна ванна з латексом і китайці мачають туди руки, обсушуют їх і стрясують усе готові рукавиці.
Раз лиш молодиця ся начинат голосно сміяти. Дхотор ся не розуміє і зазвідав і што ся стало. Она му і отвітила:
– Йой, пак ви ня так розмішили! Представляю товди, як они презервативи чинят!
***
Прийшов син баби Маріки із заробітку із чеху, дав юй гроши, оби си новий телефон купила, оби могли ся з нив у вайбері общати. Поїхала стара у варош, зайшла в магазин, позерає на телефони і нич ся не розміє. Подойшла до продавця і звідат го:
– Паночку, оповуште ми, у чому разниця меже сими двома телефонами? – указала она на полицю.
Хлопець ся аж розгубив уд неожиданності, а дале сказав:
– Разниця велика, бо один із них мр3-плеєр, а другий – фотоапарат.
***
Жона ся пробудила послє п’янки і звідат уд свого закодованого чоловіка:
– Чуєш, Мигальку, а коли ти пив, штось чинив, кой тя рано голова боліла?
– Триндьож твуй слухав!
***
Учитель звідат маленького Піштія:
– Твуй піджак із чого зроблений?
– З полотна, – каже дітвак.
– Добре. А полотно з чого чинят?
– Із вовни!
– Молодець! А шерсть ко нам дає?
– Вівці.
– Но який ти розумний. А тепер ми уповіш, яка скотина тобі сись піджак, у якому ти прийшов у школу, дала?
– Нянько.
***
У молодої пари з Тячівського района довго не було діти. Уже усі сусіди обговорювали, зашто, уся родина звідала причину. Раз лем священник пошкодував прихожан, які були дуже згорьовані і порадив їм поїхати у Рим і запалити у соборі Святого Петра свічку, обіцяв, што дуже скоро Маріка забеременніє і Митро стане няньком.
Пройшло пару году. Тому попови дали приход у другому селі і раз лем ун рішив продівати своїх старих вірнику, прийшов у гості до Митра, бо інтересувало го, чи є вже в нього дітина.
Подзвонив у дзвонок і із величезної хижі убігло вусім малих гаману.
– А де Маріка? – зазвідав уд них священник, не розуміючи, чиї ото діти.
– Мамка в роддомі. У нас ся вчора сестричка родила, – радісно защебетали малі.
– А нянько де є?
– А ун поїхав у Рим, казав, што мусит задути якусь свічку.
