Лем вам сміх у голові. Найсмішніші анекдоти тижня
У гірському далекому закарпатському селі на сповіді в батюшки месні курви про ізмену чулувікам, оби не грішити ще й паскудними словами говорили, што впали з моста. Пуп їх розумів і удпускав гріхи.
Айбо батюшка старий уже був дуже і вмер. Дуже за ним жони ревали, а кой у село дали нового попа, они ся й дале кой ішли ісповідати, говорили, што з моста впали. Молодий батюшка нич не розумів і казав їм што ото не великий гріх і удправляв їх думу.
Но айбо в селі штось усі дуже часто падали з того моста і батюшко ви ото вже надоїло і ун не удержав та пушов до столяра і пропросив го, оби поправив тот муст із якого всі жони падут.
Столяр про всьо знав і не удержав та начав ся сміяти.
Пуп ся на нього попозерав із нєдоуменійом і утвітив:
– А ви ся не смійте! Вам што, челядь не шкода! Пак ви туй усю жизнь прожили і не маєте до люди сожалєнія! Между прочем, ваша жона сього тижня вже тоже три раз із того моста впала!
***
Приходит Цильо з роботи уставший. Каже жоні:
– Ко би ми не звонив, кажи, ож не є ня дома!
Раз лем звонит домашній телефон. Маріка бере трубку і каже:
– Чоловік дома!
Цильо ся зриват із постели начинат на ню кричати:
– Ти што дурна? Пак предупреждавим тя, што мене ниє!
Жона го начала успокойовати:
– Не мерегуйся! Ото не тобі, ото мені звонили!
***
Вернулася Олена думу пуд рано. П’яна така, што єлє ноги перекладує. Чулувік ї начинат звізати:
– Ти зашто ся напила?
– Мене Юлька напойила!
– А ти што, одказатися не годна була?
– Нєт! Она мені угрожала!
– Чим?
– Што аж не уп’ю, она ми бульше не наллє!
***
Сятий Петро позерав довго з неба, што творится в нашуй медицині і не удержав. Спустився на землю, оби наконєц навести порядок. Устройився сімейним дохтором в Ужгороді.
Прийшов на роботу в поліклініку на БАМі, а там у коридорі стойит величезна очередь. Зайшов у кабінет, удів на ся білий халат і сів за стул. Раз лем заїжджає інвалід на колясці. Петро поклав на нього руки та каже:
– Встань і йди!
Каліка встав і уйшов. Люди в коридорі нараз го звідают:
– Нош то? Як там наш новий дохтор?
– Та так як і всі… Не ліпший нічим! Даже ми давлєніє не поміряв!
***
Супермаркет в Ужгороді. Стойит дуже довга очередь. Наконєц до каси добиратся чулувік із лотком яйиць… Касирка молода, нова, шіковна. Пробила і звідат го:
– У вас што, лем яйця?
Хлоп челленіє, зеленіє, а вся очередь паде із сміху. До нього дуйшло, што всі ся з нього насміхают, но так і не поняв зашто. Ун помнувся, помнувся і утвітив жоні на касі:
– Нєт, паніко, у мене не лем яйця! Іще й душа в ня є!
