Лем вам сміх у голові. Найсмішніші анекдоти тижня
Приходит хлопець в Ужгороді у общагу до дівок.
Вахтьорша го звідат:
«Молодий чоловіче, ви до кого?»
«А ви би до кого порадили?», – каже ун юй.
***
Сіла молодиця у таксі абсолютно гола. Сидити і мовчит.
Шофер попозерався на ню із нуг до голови. Она увиділа і звідат го:
«Што на ня так позираєте? Ви што, ще голу жону нігда не виділи?»
Ун ся засміяв і каже:
«Голу жону я то видів. Но не розумію, удкідь ви гроші хочете утягати, оби ся за проїзд розрахувати».
***
Лежат рано Маріка з Іваном у постели.
Жона:
«Вставай! Не чуєш, будильник звонит!? «
Чоловік:
«Но і што. Я ще мало посплю. А дале му сам перезвоню!»
***
Приходит Мигаль у поліклініку.
Дохтор му каже:
«Мені тяжко вам упувітси, што з вами. Майже, винен алкоголізм»
«Ладно, каже Мигаль. – Я товди йду. Прийду завтра. Може ви дотідь протверезієте!»
***
Приходит закарпатець за сином у садик.
Вихователька го звідат:
«Який із діти ваш?»
Тот знизав плечима і отвічає:
«Не знаю. Яка разниця. Давайте любого. І так го завтра упят сюди приводити треба!»
***
Горит відділення болници. Пудбігат пожарник до главврача і каже: «Фух! Сись корпус ми загалисили. Із 10 хворих 8 нам ся вдало _качати. Вже очима кліпают. Двоє, на жаль, умерли».
Дохтор лем слухав і раз лиш падає в обморок.
«Пожарник звідат уд медсестри:»
«Што ся з ним стало? Оті двоє дуже сильно обгоріли, ми вже нич не могли зробити!»
«Діло в тому, – каже она, – што ото не корпус болници був. А трупарня!»
***
Маріка розтила ги корова. Провбовала вже й на дієту сісти, айбо безполєзно. Уночи, коли всі спали, всьо равно удкривала холодильник і з’їдала усьо, што там находила.
Чоловік не удержав і послав ї до дохтора.
Прийшла она до дієтолога і звідат:
«Пудкажіт ми, будьте добрі, што чинити, обим схудла. Може якісь вправи би ми помогли?»
«Я вам рекомендую повертати голову справа наліво і зліва направо», – каже дієтолог.
«І всьо? Так просто, – обрадовалася жона. – А кулько раз треба?»
«Не так усьо і просто. Есе треба чинити каждий раз, кой захочете їсти!»
Comments are closed.