Лем вам сміх у голові. Найсмішніші анекдоти тижня

[Total: 0    Average: 0/5]

У одному закарпатському селі попросила жона чоловіка з сином повести корову до бика Дала їм бутилу самогонки із собов.

Прийшли они, а фермер їм каже: «Я би радий Ферка пустити, но нині до нього вже три корови були. Так што діло ся не получит, не бірує ун більше»

Узяв чоловік, утяг із ташки самогон і каже: «Як шкода. А я вам алдомаш принюс!»

Засвітилися очи в фермера. Ухопив ун самогонку і утвічат:

«Так бистре нараз і казали, што ви не з породніми руками прийшли. Є одно срєдство, оби го заставити».

Пушов ун, нарвав жаливи і як із нив даст меже лаби бикови. Тот ся схопив і до корови. Учинив своє діло і довольний вернувся у загорожу».

Ідут чоловік із сином думу і каскуют:

«Видиш, як ото ся всьо чинит. Я про такоє і не знав», – каже отиць.

«Як мамці розкажу, она не повірит!» – щасливо утвітив дітвак.

«Но-но.. Ти лем мамці про жаливу нич не кажи!»

***

Докідь жона хвора лежала в болници, чоловік п’янствував із цімборами і дома нич не чинив.  Вернулася она думу, видит, а в хижі бардак страшний.

«Любимий, як ти ся докотив до такого життя?» – звідат го.

«А што не так?» – аж удивився її благовірний.

«Як што?! Пак ти не видиш, пороха всяди на п’ять персту?»

«Нет, – утвітив чоловік. – Вечерами я був п’яний, нич не видівим, а рано я ся не позерав, бо на роботу м спішив!»

***

Увичирі послє роботи Митро не може найти спортивні штани, оби ся переодіти. Глядат їх 3,5, 7 мінут.

Маріка не удержує, удкриват шкаф і дає му гаті.

«А што ти будеш чинити, кой мене не буди»», тяжко вздихаючи каже она.

«Не преживай за ня. Всьо буде добре. Я товди прятати нич не буду!» – успокоїв її Митро.

***

Говорят вечером чоловік і жона в комнати меже собов.

«Дорога, я хочу попровбовати з тобов нині штось новоє в постели!» – каже ун.

«Серйозно? – перезвідала она. – Но добре. Бери підодіяльник!»

«А нашто? « – удивився чоловік.

«Як нашто? – засміялася жона. – Ти хотів штось новоє попровбовати. Так я тя научу постєльноє міняти».

***

В Ужгороді наркоман на ходу заскакує у маршрутку, закатує очи і приземляєся на пустоє сідєніє коло старої бабки.

«Та ти знаш, хлопче… ти в самоє пекло дуже скоро попадеш!» – начинат ся стара хрестити і позерат му прямо в очи.

Наркоман ся схапує і тіче до шофера.

«Остановітся! – кричит му! – Прошу вас, остановітся! Я не в тоту маршрутку сів! Баба каже, ож іся у пекло їде!»

zakarpatpost.net

Comments are closed.