Лем вам сміх у голові. Найсмішніші анекдоти тижня

[Total: 0    Average: 0/5]

Найшов Мигаль у Фейсбуці друга дєтства.

Дюрі  розказує, што торгує газом, вугльом, лісом, металом… А через пару дну звонит і просит позичити 500 гривень.

«Як? – удивляєся Мигаль. – Пак ти олігарх настоящий! А я лем автомеханік!»

«Та який олігарх, – сумно вздихат Дюрі. – Я в кафе торгую, називатся «Усьо для пікніка» , продаю дрова, дерев’яноє вугля у мішках, мангали жілізні, зажигалки газові, оби огинь розпалити».

***

Жона прийшла думу і так загадочно каже чоловікови:

«Любимий, у нас буде…»

«Хижа? Чи ти купила квартиру у вароші?»

«Нєт, у нас буде…»

«Машина! На туй старуй «Ауді» на єврономерах і так ся вже возити не мож. Ти купила нам нового «Мерседеса»?

«Нєт! Я купила  простиньки, дєтску постіль, іграшки, памперси… Ти наконєц поняв, што у нас буде?»

«Поняв! У нас буде свуй бізнес!»

***

У магазині спорттовару жона си вибирає тренажер. Один юй ся полюбив. Кличе чулувіка і указує.

«Слухай, дорогий, аж ти ми купиш есе чудо, я буду на ньому бігати, як школьніца!» – каже му.

«Я розумію, што тобі ся полюбило. Но пойми, есе всього лем велотренажер, а не машина врємені!»

***

Маріка сидит на постели і каскує:

«Давай, ти не будеш худати так скоро. Дуже тя прошу», – тихо шепче.

Пішта на ню ся попозерав, нікого не видит, нич ся не розуміє:

«Ти все хотіла чим май скоро лишній вес скинути… А з ким вобще ти говориш?»

«Із кошельком, чоловіче, із кошельком…»

***

Прийшов Петро у поліклініку і мало не реве.

«пане дохтор, поможіть ми, біда в ня велика!»

«Што ся стало?»

«Та розумієте, треба би ми якісь таблетки уписати. Діло в тому, што каждий вичур я начинаю раховати овець і нараз засипаю»

«Но і прекрасно! У вас здоровий сон! А што ся вам не любит?»

«Розумієте, я пак рано все по однуй недораховую».

«А рано ви їх нашто рахуєте?»

«Бо ото моя робота… пастух я».

***

Приходит вихователька із садика до діда Пішти:

«Дідику, а де отиць сього хлопчика?»

«Ото муй онук! А син на Чехах, на заробітках»

«А ви знаєте, што ун ся матюкає?»

«Знаю. А што?»

«Пак а не рано му ще?»

«Нєт, паніко, не рано! Ун у нас і ходити скоро начав!»

***

Вчителька звідат:

«Діти, які ви знаєте марки машин?»

Пуднімат руку Мигалько:

«Жигуль, Опель, Форд».

Тягне руку Маріка:

«Мерседес, БМВ, Джип»

Пудніматся Іванко і радісно кричит:

«Слив’янка!»

«А ото яка? Ниє такої машини!» – удівльонно каже вчителька.

«Іще й як є! Учора увичирі прийшов Бийло бачі до нянька, принюс фляшку самогонки і каже му: «Но давай, куме, поїхали!»

zakarpatpost.net

Залишити відповідь

Ваша e-mail адреса не оприлюднюватиметься. Обов’язкові поля позначені *

* Copy This Password *

* Type Or Paste Password Here *