Лем вам сміх у голові. Найсмішніші анекдоти тижня
Сидят дві бабки старі на лавиці коло хижі і каскуют.
- ⇒ Подавайте оголошення у газету «Закарпатські оголошення» ⇒ 050 222-50-50
Одна каже:
«Знаєш, Маріко, а в мене такий онук! Ун ботаніком буде! Цілоє літо туй у мене в селі пров’юг, конопельку вирощував, позерав за нив дуже, поливав, пудкоповав».
Друга отвічає:
«А муй точно шофером буде. Намочит тряпку в бензині, покладе си на лице і каже: “Но всьо, бабко, удкривай капуру! Я уїжджаю!»
***
Встрічаються два куми. Один звідат другого:
– Зашто ти такий сумний?
– Моя жона на три тижні на море їде!
– Пак ото ся радовати треба! Свобода, цімбори, бари! Не розумію тебе!
– Аж я не буду сумним – она передумає.
***
Приїхали дві блондинки в Солотвино отдихати. Пудойшли до води. Одна каже:
– Фу! Вода солена.
– Зараз цукор принесу, – отвічає друга.
Приносит пачку цукру, усипає го в воду.
Перша опять пробує воду:
– Солена! – каже
– Но та ти й дура! – каже перша! – Пак помішати забулась!
***
Приходит закарпатець до хірурга.
– Пане дохтор, мене черево болит!
– Не страшно! Зараз удріжу вам вуха і всьо буде добре.
Чоловік ся перепудив і пушов до терапевта.
– Пане дохтор, я тепер був був у хірурга, мене болит черево, ун уповів, аж треба ми вуха удрізати!
– Йой… оти хірурги! Оби би всьо лем удрізали! Не переживайте ви так! Зараз вам упишу таблетки, купите їх, уп’єте і они ся самі удвалят.
***
Чоловік із жонов пушли на сінокос. Мигаля вкусила оса у язик. Ун не годен говорити, запухло му всьо лице, побіг у хижу, взяв папір і ручку і пише юй записку: «Маріко! Мене оса вкусила у язик. Што чинити?» Жона на тот же папірець пише му у відповідь: «Мусай їхати до дохтора. Я ти нічим не годна помогти!» Мигаль крутит перстом коло виска, опять бере папірь і пише юй: «Ти тупа ги талпа на папучи! Пак оса не тебе укусила, а я не грухий! Я тя чую! Нашто писати?»
