Лем вам сміх у голові. Найсмішніші анекдоти тижня
Закарпатська свадьба. П’яний, як брєвно жених спит за столом. До нього пудходит кум і каже му:
- ⇒ Подавайте оголошення у газету «Закарпатські оголошення» ⇒ 050 222-50-50
«Фері, пробуджайся! Ти же на свадьбі!»
«На чиюй свадьбі?»
«Як на чиюй? На своюй! Ти ся вчора женив!»
Жених протират очи:
«Я? Женився? На кому?»
«А ко тя знає! Ви ся три дни тому лем познакомили!»
«Но на йсе вобще. Нич не помню. А хоть як ї звати?»
«Чекай, – почесав потилицю кум. – Най подумаю. Маріка, може…. чи Поліна»
«Як-як, – не може поняти жених. – Чиполіно? Но сятилабися, я ще такоє ім’я й не чув!»
***
Суд Суддя звідат стару бабу:
«Што ви украли на базарі?»
«Персики!»
«І кулько їх там було?»
«Шість штук!»
«Так вот, я вам присуджую шість дну виправних робіт!»
Голос із зала:
«Чекайте! Чекайте! А она ще того дня із супермаркета банку горошку украла!»
«А ви ко? Адміністратор?»
«На де, паночку! Я її зять!»
***
Стара баба заходит у аптеку і просит продавщицю:
«Дівочко, дай ми, будь добра, мої любимі таблєтки уд головної болі!»
«Які?» – звідат ота.
«Такі в синюй коробочці з білов посолочков!»
«Пай айбо ото не уд голови! Ото протівозачаточні! Нашто вам такоє, бабко!»
«Розумієш, я їх каждий рано онучці в чай добавляю. Она ото уп’є і мене цілий день не болит голова!»
***
Баба у п’ятий раз прийшла до стоматолога і просит пудогнати юй вставну челюсть.
Дохтор бубонит, сердится, но што чинити, каже юй:
«Ладно, у послідній раз! Я вобще не вижу причин, оби она не пудходила до вашого рота!»
«Та при чому туй рот! – утвічат баба. – Она не вміщатся у муй стакан!»
***
«Ало! Есе служба технічної пуддержки?
«Так. Чим вам можу допомогти?»
«У мене не робит регістрація на сайті!»
«А що ви робите? Назвіть ваші дії крок за кроком, тоді ми знайдемо проблему».
«Пак што чиню? Нич такого не чиню, лем ото што ня просят. Ввожу логін, дале пароль. А послє того у поле “підтвердіть пароль” ввожу слово: «Пудтверждаю».
