Стало відомо, чому закарпатську бабу після смерті похоронять на трьох кладовищах
Кой умру, та покладіт ми на груб замість хреста цігаретлик, оби всі знали, што я дуже курити любив!
Приходить баба з хліва, а дід стоїть на сходах і курить.
Стару це сильно розізлило. Каже йому:
- Більше цікавих новин читайте у газеті «Неділя Закарпатські новини»! Купуйте газету у кіосках Закарпаття!
«Я як мамонт пашу, а ти си отдихаєш… Куриш собі… та гроші пускаш у воздух! Ги би в тя міліони були!»
«Анцьо! Кулько тої жизні! Я си не хочу в єдінственному удовольствії удказовати! Кой умру, та покладіт ми на груб замість хреста цігаретлик, оби всі знали, што я дуже курити любив!»
«Ти безбожнику нещасний! Як ти можеш такоє із свого паскудного писка упускати! Уже й так такий, як целофановий міщук уд куріня! А тіло в тя дряблоє, як помивалька!»
«Но добре, – каже старий. – Товди ми два цігаретлики покладіть… Хрест навхрест… Ніко ся не догадає нич. Буде і файно, і правдиво, і не буде ти очи копати!»
«Та в тебе вже персти, ги шваблики, уд тих цігаретлику худі стали! Та й самись, ги суха макарона! Усохись, як таранка!»
«Завто ти в мене, ги воздушний шар із кошарков, у яку би ся пусела умістила… Хотя ти би й не взлетіла, бо такась тяжка, як чотири мангалиці та один крокодил»
«А крокодил до чого. Діду! Ти хворий на мозги!»
«А ти што… про свою драгоценну пащегу забула! Кой ї удриєш, та можеш проглотити не лем мене, айбо й постіль ізо мнов!»
«Ти тулько лежиш, што не похибіло би ї і проглотити. Такийись лінивий, як тхурь!»
«А тхурь вобще-то не лінивий, а вонячий!»
«Но та ти і лінивий, і вонячий, бо кой ся накуриш, та стояти коло тя не мож, як коло помийної ями! У бударі май файно пахне, як у тебе в комнаті! Ти што, не видиш, што на пачках які чорні легкі намальовані! Такі і в тебе!»
«Но пак ко позерає на оті картинки! Там аж намалюют твуй жулудок послє того, як ти ся наїш пасулі пудбиваної, зап’єш трьома літрами квасного молока та закусиш домашньов ковбасков та літром маринованих огурку, повір мені, буде виглядати ще май паскудно!»
«Добре, я ся лишу курити, аж на пачках начнут печатити твої фотографії! Кой там люди тебе видіти будут, не лем курити, а й їсти ся лишат!», – вдоволено посміхнувся дід.
«Ей, чорте ти старий! Што ти за мужик вобще! Ти даже стріляти не знаєш!»
«Е… Анцьо… ще й як знаю… учорам три цігалетлики уд кума стрільнув!»
«Но ясно… Хіба уд кума лем і стріляєш… Бульше з тобов у селі ніко даже говорити не хоче!»
«А та ото лем ти у нас така вострєбованна! Мене не почудує, аж тебе послє смерті даже похоронять на трьох кладовищах!?» – пробубонів старий.
«Но да… там мене тоже усім треба буде! А як ти думав!» – гордо відрізала баба.
«А я, Анцьо не завто так кажу… просто ти ся в один груб не умістиш… треба буде тя на три часті розрізати!»
«Йой, ти тупаку! А тебе мож ги червака у целофановий міщук забити і нараз закопати. Ти ще май много кури, та зсохнешся вобще, як гусениця у яблокови!»
Повний текст читай тільки у свіжому номері газети «Неділя Закарпатські новини».
Купуй свіжий номер газети «Неділя Закарпатські новини» у кіосках або передплачуй на своїй пошті!
