Лем вам сміх у голові. Найсмішніші анекдоти тижня
Два куми розгадуют кросворд:
– Слухай, куме. Ану придумай слово із трьох букв: довгоє, твердоє і на «й» ся кончає. – Кий.
– Точно, кий, давай стирачку.
***
В повнуй темноті сидять си два два куми і розпивают фляшку самогонки. Раз лем один із них каже:
– Куме, а чому ти собі більше наливаш, чим мені?
– Пак темно, куме! Як ти можеш видіти? Удкідь знаєш?
– Розумієш, куме, я не глухий! Я чую всьо! Собі ти нашиваш буль-буль-буль- буль. А мені лем буль-буль.
***
– Шо то ти такий побитий, куме?
– На охоту ходивим.
– О! Майже мідвідя встріливись?
– Та де там…козу.
– Ого, дика коза була, да?
– Но… коза не ото штоби дуже дика, но хазяйка.
***
— Здоров, куме, што п’єш?
— Закарпатськоє мохіто.
— Ром або м’ята?
— Та што ти! Самогонка і петрушка.
***
— Куме!
— Ге?
— А якого фраса ти чиниш у мене в пивници?
— Та тебе глядаю!
— А зашто солонину ізівись?
— Пак оби ся пуд ногами не валяла.
***
— Куме?!
— Што?
— А знаєш, яка разниця меже женськов пудров і Верховнов Радов?
— Нєт, не знаю. Яка?
— Пудра — ото до лиця, а Рада — ото до гузиці!
***
Каскуют два куми:
— Вот було би добре, оби мож схрестити мою корову із жирафом…
— А на якого ото фраса тобі?
— Як на якого? Но та ти бімбов, неборе! Оби доїла ї Маріка дома, а она паслася у сусіда Петра за капуров.
***
— Кумо, кулько молока надоюєш на динь уд свойої корови?
— Десять литру.
— А кулько продаєш?
— Тоже дисять.
—Як ото? Зашто?
— Просто більше не годнам… Треба ми й дітям пару літру лишити, не буду голодні ходити. Они го тоже люблять.
***
— Куме! Чувим, што ти недавно фирму нову удкрив. Возьми ня на роботу!
— Без проблем! Із тебе резюме, знання англійської і доброє володіння комп’ютером.
— Но й молодєц ти, куме! Як же ти мене ловко нафіг послав!
