Лем вам сміх у голові. Найсмішніші анекдоти тижня
Говорят дві цімборашки, діляться думками, у кого як день пройшов.
«Я сиділа рано в кафе на Корзо і пила каву, – каже перша. – Раз лем пудойшов до ня хлопець і каже: «Дєвушка, а мож я за вас ся розрахую?»
«А ти што?» – звідат друга.
«Но пак нич. Я ся не розтіряла. Я нараз утягла з ташки і дала му квитанції за газ, світло, воду…»
***
Маленький Ферко звідат нянька:
«Тату! А ти ся женив на мамі по любові або по розчоту?»
«По любві синку, – утвічат му отиць. – Знаєш, на ото, што твуй дідо зайшов у комнату случаймо з пушков, розчитовати не приходилося».
***
Встрітилися два закарпатці і каскуют. Один ся хвалит:
«А я Насті кольцо подарив. Най тепер скаче кулько хоче уд радості!»
Другий уточняє:
«Золотоє? Обручальноє»
«Та де! Баскетбольноє!»
***
Маленький Іванко приходит до нянька і просит го:
«Тату, ти годен попробовати рішити за ня завдання з математики?
«Нєт, синку! Не годен. Ото буде неправильно» – каже отць.
«Не біда, аж даже неправильно. Я й так не знаю. Ти хоть пропробуй!»
***
Марічка увичирі перед сном послє того як почистила зуби звідат си уд матери:
«Мамко, а люди без зубу годні ужити?»
Мати знизала плечима і каже:
«Люди годні, а твуй нянько – нєт!»
Дітина нич не поняла і ришала уточнити, зашто ото.
«Завто што ун – стоматолог!» – пояснила мати.
***
Пішті скаржится цімборови, з яким ся довго не видів:
«Представляєш, уд мене вчора послє трініровки вкрали і кошельок, і кросовки, і ще й паспорт!»
«А ти в поліцію ходив?» – перезвідав го Дюрі.
«Ходив, – каже Пішті. – Точно не они, бо нич не знают!»
