Лем вам сміх у голові. Найсмішніші анекдоти тижня
Приїжджає закарпатець у Швейцарський банк і каже:
– Я би хотів у вас оформити кредит на 100 баксу.
– Добре. Айбо треба штось лишити в залог, – кажут му там.
– Без проблем. Вот муй новий “шестисотий” Мерс.
Оформляют договор. Через гуд ся закарпатець вертат опять і платит банкови 105 доллару.
У банкови не удерджали і звідают:
– Нам просто інтересно – чого така мала сума кредиту і такий дорогий залог?
– Діло в тому, – каже закарпатець, – што мені треба було поїхати на рік думу. А де я ще найду стоянку за 5 баксу у гуд?
***
На базарі на Корятовича в Ужгороді:
– Ото крумплі у вас молоді?
– Молоді, дуже молоді! Ще даже не цюльовалися!
***
На заправку в Ужгороді пуд’їжджає «Мазда». Із неї уходит молода симпатична дівка на високих каблуках. Каже заправникови: «Дев’яносто п’ятий”, – і йде платити. Коли ся вернула, вияснилося, што ключ лишився в машині, а двері ся заблокували. Просить она заправщика помогти. Тот ся удмахує, увіряє, што в нього много машин і не має час. Але дале ї пошкодував, найшов кусок твердого дровта, порадив юй у приудкритоє окно просунути тот дровт і попровбовати натиснути на кнопку розблокування дверки. Но і послє інструктажа пушов си дале заправляти машини.
Через пару мінут попозерав на оту молодицю і очам своїм не повірив. Чоловіки з усіх машин ся повивалювали, позбиралися коло «Мазди» і начали ржати.
Ун нич не поняв і зазвідав їх, што ся стало.
Один височезний амбал із реготом утвітив:
– Та вот, іся красавіца дровтом ся колупит, пробує ним машину удкрити…
– Но і што? Ото я юй дровт дав, – захистився за дівку заправщик.
– Та ти молодец, – сказав амбал. – Айбо в салоні у неї подружка сидит і вказує юй, куди тим дровтом тикати…
***
Мигалькови на День народження нянько подарив телефон. Рано отиць іде на роботу і каже синови:
– Аж дома будут якість проблеми, дзвони…
Десь у дисять часу Мигалько дзвонит:
– Ало! Няньку! У нас у коридорі мачка наклала!
– Синку, пак ти вже великий! Бери віник та похари!
У дванадцять часу опять дзвонок:
– Няньку! Мамка прийшла з якимись чоловіком. Они ся закрили у спальні. Я в замочну скважину позераю – мужик гаті знімат. Так вот. За ним харити, обись знав, я точно не буду!
